去完Creator Voice 既 Spiritual Fresh Look Conference 番黎幾日喇﹐0係 camp 裡面學到既野﹑聽到既野﹐經常仲徘徊0係個腦裡面﹐老實講今次呢個Conference 真係非常之正﹐同一群紐約基督徒音樂人共渡三日三夜﹐畢生難忘﹐感覺自己從始以後有一個地下秘密組織﹐以後每當自己諗倒一D創新既野﹑革命性既野既時候﹐就會諗起呢一群人﹐呢一個Conference﹐諗起你﹐CV。以下係一連串由唔同既Speaker 組成既精句摘錄。

蕭保羅牧師:

『神既使命係你既﹐又唔係你既﹐但係都係你既。』
『上左去﹐落返黎﹐就要出去。』
『若相信神既存在﹐就相信神會行神蹟﹔若相信神會行神蹟﹐就應該相信禱告。』
『飛機起飛既時候既衝激係最大既。』論到年青人面對事業﹑人生起步點。
『哲學家教我地Know Yourself﹐心理學家教我地Be Yourself﹐神學家教我地去Give Yourself....我地要Know yourself, be yourself and then give yourself.』
『神未曾做過一塊多餘既石頭﹐神未曾做過一棵多餘既樹﹐神豈會造個多餘既你呢?』轉載自楊牧谷牧師。
『我守聖餐三十幾年﹐都未試過守聖餐係無餅同杯架。』
『0係創造既當中有無可能有進化既過程牽涉0係裡面呢?』

Anthony Chan 陳志傑

『真正既敬拜由當你落番臺一刻先真正開始。』
『可唔可以話我聽 Faith 係點串?』『錯﹐係 R. I. S. K.』
『有Bass 同無Bass 既分別就好似用Memory foam 枕頭同羽絨枕頭既分別。』
『No Milk Product. No Citrus Fruit.』論到唱歌之前既避忌。

Jay Chen 陳人杰

『Time is like a cleavage. You will have it if you squeeze it.』

Dennis Chiu

『正枯枝。』經過修飾之後用黎鬧人既聖經述語

大會制作總監兼MC - Esther Lee

『今晚既節目實在太精彩喇﹐我地遲D再慢慢同你傾。』

Cindy Chi

『我諗我黎緊幾個月都唔會食韓國野。』

轉載自 Ichigon Company

自從四川發生地震之後﹐我經常諗起呢首歌。

哭有時, 笑有時

《團契遊樂園七》

我的心默默無聲 尋問卻似得不著反應 塵俗裏太多不測的事情 沒法解釋究竟 我的主懇請回應 來讓我確知你在傾聽 就算箇中奧妙我沒法知道 但確信上帝意念是至高 *哭有時  笑亦有時 一宿雖有哭泣 早晨卻以歡呼開始 生有時  告別有時 深知終有一天總能重遇 祢讓我知 哭有時  笑亦有時 一宿雖有哭泣 早晨卻以歡呼開始 生死有時  聚散是永不止 感激終有一天總能重遇 這是祢旨意

 

HAPPY ONE HUNDRED AND FIFTEEN MONTH ANNIVERSARY

尋晚我問Cindy:『記唔記得我地拍左拖幾多個月呢?』
睡眼惺忪正準備訓覺既Cindy話:『um...三千二百六十四...』
我一面無奈話: 『傻既.... 你爸爸媽媽都未有咁耐啦。』

香港留影

昔日我小學既時候逢星期四黎學台拳道同埋暑假黎補習既『社區中心』。

中學既時候日日放學都經過既『恆安商場』﹐有好幾年晚晚都上大家樂買飯。

從的士中望向風雨中的恆康街。

從前每朝7:30am 搭85K必定經過既恆安村迴旋處﹐依家85K已經改左行新既路。

記得五年級一日放學既時候﹐我就係0係屋企樓下呢度執倒一百蚊﹐然後我即刻俾左我棟大廈既看更﹐跟住看更每次見到我呀媽行過都會讚: 『嘩你個仔真係乖。』

五日裡面去過兩間醫院同一間老人院﹐呢度係沙田威爾斯親王醫院既3D病房。

0係馬鐵見到好型既廣告。

如果我重未走﹐我一定會去睇。

望住地鐵路線圖﹐諗返從前只有港島線﹑荃灣線﹑同觀塘線既年代﹐今日真係只想講句: So proud of you, HK!  .... 九鐵﹑西鐵﹑馬鐵﹑地鐵合併﹐以為可以唔洗出閘就轉倒車﹐原來係唔得。

從第一日黎紐約開始就好想紐約會開『大家樂』﹐每次返香港我一定會最起碼食一餐。香港美食界傳奇『大家樂』﹐我有今日﹐多謝你多年黎餵飽左我。

五日裡面﹐搭過輕鐵﹑西鐵﹑馬鐵﹑九鐵﹑地鐵﹐九巴﹑城巴仲有由機場往返巿區既龍運巴士。